Ìbà Ẹyẹ ṣóró-mọga ṣío-ṣío
Ìbà Ẹyẹ mọ̀gà-ṣorò hiò-hiò
Bìrìpé ojú àlá
Abiyamọ ẹmọ́lóló abẹ́ òpó
Abiyamọ eégún abojú kedere
Ẹyẹ abapá-winni
Ẹyẹ abẹsẹ̀-winni
Ẹyẹ abìrìn àrà l’ẹ́sẹ̀ méjèèjì!!
Ìbà Ẹyẹ ìṣẹ̀ǹbáyé, Ọlọ́wọ́gbọgbọrọ tíí
y’ọmọ rẹ̀ l’ọ́fìn!
Ìbà ẹ̀yin Ìyáàmi elékuru l’ọ́jà èjìgbòmẹkùn
Àwọn ìyá mi ajíjẹ tútù má jẹ gbígbẹ, ajíjẹ tútù ma bì,
Wọ́n ní ọdẹ kú moró-moró, ọdẹ kú mòro-mòro,
Ṣùgbọ́n ‘Dewamiri dúró dain-dain ní mòro àìkú.
Ǹjẹ́ Òjòǹgbòdù dé o, awo j’awo lọ, awo ń
gb’áwo mì t’orí-t’orí, ẹyẹ j’ẹyẹ lọ, ẹyẹ ń gb’ẹ́yẹ mì t’ìyẹ́-t’ìyẹ́.
Ìyá mi Àbẹ̀ní ají-fọtíwẹ̀-bí-òyìnbó òṣoko-ṣàkà, Ẹdan ará òkè-Ìtasẹ̀, wọ́n ni ẹnu ajá kìí gbé s’ómi, a à ní gbé s’ájò.
Òjíjí ẹja omi, òjíjí kìí wọ’dò okay’ ómi inú ẹ̀ gbóná.
Ayé ò níí gbóná mọ́ wa.
Àdìgún, mo d’egúngún ará òde Ọ̀yọ́, Ọ̀-ragba-aṣọ làmù-làmù, à ń pèé l’ọ́run kò jẹ́, aṣọ péńpé ló fi ránṣẹ́ sí wọn. Àwòyè l’Ògún ń w’ọmọ, Àwòyè ni tiwa.
Ẹ̀rọ̀ ṣẹ̀ṣẹ̀ Kowéè!!!!
This Article is written by AWO ABIOLA (whatsapp +2349169827000) For religious steering and IFA session.